Ախուրյան խոշորացված համայնքի Կամո բնակավայրի երթեւեկելի մասի ճանապարհահատվածը շուրջ երեք տասնամյակ անմխիթար վիճակում էր: Բնակավայրի համար կենսական ենթակառուցվածքի հիմնանորոգման առաջնահերթությունը պատկան մարմիններին տասնյակ տարիներ ներկայացնելուց հետո, անցած տարի արդեն Կառավարության եւ Համաշխարհային բանկի կենսական նշանակության ճանապարհների բարելավման ծրագրի շրջանակներում մեկնարկած հիմնանորոգման աշխատանքներն այս տարի ավարտին հասան:Կատարված աշխատանքին ծանոթանալու համար Շիրակի մարզպետ Նազելի Բաղդասարյանը աշխատանքային այցով Կամո բնակավայրում էր: