ՀՀ գլխավոր դատախազ Աննա Վարդապետյանը Ազգային ժողովի նիստին ներկայացրեց միջնորդագիր «Հայաստան» խմբակցության պատգամավոր Արծվիկ Մինասյանի նկատմամբ հանրային քրեական հետապնդում հարուցելու վերաբերյալ:
Վարդապետյանը տեղեկացրեց՝ Սեյրան Օհանյանի և Արծվիկ Մինասյանի գործերն իրար հետ կապված են, ապա ներկայացրեց մանրամասները: Ըստ այդմ՝ Արծվիկ Մինասյանի նկատմամբ հանրային քրեական հետապնդում է հարուցվել այն բանի համար, որ նա, 2016 թվականի սեպտեմբերի 27-ից մինչև 2018 թվականի մայիսի 12-ը զբաղեցնելով ՀՀ բնապահպանության նախարարի պաշտոնը, և ի թիվս այլնի պատասխանատու լինելով նախարարության առջև դրված խնդիրների և գործառույթների, այդ թվում՝ բնության հատուկ պահպանվող տարածքների վրա վնասակար ներգործությամբ կանխարգելման և նվազեցման, բնապահպանական օրենսդրությամբ սահմանված պահանջների նկատմամբ վերահսկողության ապահովման համար, միջոցներ չի ձեռնարկել թույլ տված խախտումների հետևանքները վերացնելու, համապատասխան անձանց նկատմամբ իրավական պատասխանատվության միջոցների կիրառումն ապահովելու ուղղությամբ:
«Արծվիկ ՄԻնասյանը տեղեկացված է եղել, որ պաշտպանության նախարարի պաշտոնը զբաղեցրած Սեյրան Օհանյանը 2010-2015 թվականների ընթացքում ապօրինի զավթել, առանց իրավական հիմքերի զբաղեցրել է բնության հատուկ պահպանվող տարածք հանդիսացող «Սևան Ազգային պարկ» ՊՈԱԿ-ի տարաքծում ընդգրկված ՀՀ-ին պատկանող Գեղարքունիքի մարզի Դրախտիկ համայնքի 1-ին փողոցի 71 հասցեի 10,526 քառակուսի մակերեսով հողատարածքը: Տեղեկացված է եղել, որ կառուցապատման իրավունքի բացակայության պայմաներում Սեյրան Օհանյանը հիշյալ տարաքում ինքնակամ կառուցել է ապօրինի շինություններ: Տեղեկացված է եղել, որ իրավասու, այդ թվում՝ իրեն ենթակա անձանց կողմից իրավախախտումները տևական ժամանակ չեն արձանագրվել, և դրանց օրենսդրությամբ նախատեսված կարգով ընթացք չի տվել: Խմբային շահերից ելելով՝ չի կատարել իր պարտականությունը, միջոցներ չի ձեռնարկել թույլ տված խախտումների հետևանքները վերացնելու, համապատասխան անձանց նկատմամբ իրավական պատասխանատվության միջոցների կիրառումն ապահովելու ուղղությամբ»,- ասաց նա:
Վկայի՝ դատավարական կարգավիճակով հարցաքննված դատավարական ցուցմունքը, որի համաձայն՝ 2016 թվականի հոկտեմբերից 2018-ի մարտը, բնապահպանության նախարար նշանակվելուց հետո տեղեկացրել է, որ վերոնշյալ հասցերում գտնվող հողատարածքը, փաստացի, առանց օրինակ հիմքերի, օգտագործվում է Սեյրան Օհանյանի կողմից:
Համապատասխան իրավական գործընթաց նախաձեռնելու համար կազմակերպվել է մրցույթ, որի ժամանակ հաղթող է ճանաչվել Բենյամին Ղալեչյանը: Ըստ Արծվիկ Մինասյանի՝ նման դեպքերը շատ են եղել, և նա գործել է պետության շահերից ելնելով, քանի որ ցանկացել է օրինական դաշտ բերել նման ապօրինի կառույցները և նման վարձակալական վճարներ մուտքագրել բյուջե:
Գործի մանրամասները ներկայացնելուց հետո գլխավոր դատախազը հայտարարեց. «Միջնորդում եմ տալ համաձայնություն ԱԺ 8-րդ գումարման պատգամավոր Արծվիկ Գարեգինի Մինասյանի նկատմամբ հանրային քրեական հետապնդում հարուցելու վերաբերյալ»: