Մարզական բարձրագույն վարպետության դպրոցի սաները գերազանց մրցելույթներ ունեցան Լեհաստանում ավարտված Եվրոպայի ծանրամարտի 17 տարեկան աղջիկների առաջնությունում: 49 կգ քաշային Ալեքսանդրա Գրիգորյանն ու 81 կգ քաշային Էմմա Պողոսյանը դարձան Եվրոպայի չեմպիոնուհիներ: Այդուհանդերձ, Հայաստանի կանանց հավաքականի գլխավոր մարզիչ Արտաշես Ներսիսյանը մրցաշարը որակում է չիրացված հնարավորությունների առաջնություն: