Նույն պատերազմի տարբեր ճակատներում էին Հովհաննես ու Գնել Գաբրիելյանները: Ողջ պատերազմի ընթացքում կամավորական հորեղբայրը փորձեց գտնել եղբորորդուն, չգտավ, չհասցրեց կիսել տղայի նկատմամբ ունեցած հպարտությունը: 9 ամսվա ծառայող էր Գնելը, երբ սկսվեց 44-օրյա պատերազմը: Ջրական, Հադրութ. բազմաթիվ թեժ կետերում է եղել, հոկտեմբերի 10-ին Լելե Թեփեի համար մղվող մարտերում էլ ընդհատվել է Գաբրիելյանի կյանքը: Չնայած ծանր մարտերին՝ Գնելը միայն ոգեւորել է ընտանիքի անդամներին ու վստահեցրել, որ ամեն բան լավ է լինելու: