Նորոգված ճանապարհներից մեկը տանում է դեպի Մայիսյան գյուղ, ապա՝ Հացիկ, Քեթի, Թորոսգյուղ և այլ բնակավայրեր։ Սակայն այդ ճանապարհով ամեն օր երթևեկողների համար հենց Գյումրի մտնելիս է սկսվում վաղուց արդեն սովորական դարձած բողոքը. ե՞րբ են վերջապես կարգի բերելու երբեմնի «աշխարհի կենտրոնի» ճանապարհները, և մի՞թե այնքան բարդ է գոնե խիստ վնասված հատվածներում ժամանակավոր հարթեցման աշխատանքներ իրականացնել։