Պաղեստինյան ՀԱՄԱՍ շարժումը պատրաստ է ազատ արձակել բոլոր գերեվարված քաղաքացիական անձանց, սակայն Գազայի հատվածի ինտենսիվ ռմբակոծությունները թույլ չեն տալիս դա անել։ Ինչպես հայտնում է ՌԻԱ Նովոստին, այս մասին հայտարարել է ՀԱՄԱՍ-ի պաշտոնական ներկայացուցիչ Մուսա Աբու Մարզուկը։
Նրա խոսքով՝ գերեվարվածների դուրսբերումն անհնար է առանց Իսրայելի կողմից հրադադարի։
«Ինտենսիվ ռմբակոծություններ են տեղի ունենում, զանգվածային սպանություններ ու ավերածություններ։ Նրանք ռմբակոծում են ամեն ինչ՝ մարդկանց և ենթակառուցվածքները,և տեղաշարժն ուղղակի անհնար է։ Մենք չենք կարող երաշխավորել նրանց կյանքի անվտանգությունը»,- ընդգծել է ՀԱՄԱՍ-ի ներկայացուցիչը: