Հոկտեմբերի 6-ի գիշերը՝ ժամը 00:35-ին, Արտաշատ-Արարատ հատվածում գտնվող չթույլատրված գծանցումում բեռնատար գնացքը բախվել է երկաթուղային գծերի վրա հայտնված «Ժիգուլի» մակնիշի ավտոմեքենային: Վթարի հետևանքով տուժածներ չկան:
Մեքենայի վարորդի խոսքով՝ մեքենան արգելափակվել է ուղիղ գծերի վրա, երբ նա փորձել էր դրանք հատել չարտոնված վայրում:
Վարորդը չի կարողացել միայնակ դուրս բերել մեքենան գծերից և օգնություն խնդրելու է գնացել, երբ ծանր բեռնատար գնացքն անցել է երկաթուղու այս հատվածով: Արդյունքում շարժակազմը բախվել է ավտոմեքենային և քարշ տվել այն մոտ 250 մետր, ինչի պատճառով փոխադրամիջոցը վերածվել է մետաղի ջարդոնի:
Ներկայումս ընկերության հիմնական ուղղություններում առկա է 23 չարտոնված գծանցում: Միայն 2021 թվականին ընկերությունը ապամոնտաժել է երեք նման անցում, սակայն դրանք կրկին կառուցվել են բնակիչների կողմից:
«Ընկերությունը մտադիր է շարունակել համագործակցությունը իրավապահ մարմինների և տեղական իշխանությունների ներկայացուցիչների հետ, ինչպես նաև հույս ունի քաղաքացիների պատասխանատու վերաբերմունքի վրա:
Ընթացիկ տարում սա չթույլատրված գծանցումներում վթարների արդեն 8-րդ դեպքն է»,- նշված է «Հարավկովկասյան երկաթուղու» տարածած հաղորդագրության մեջ: