«Արցախի կորսված կոթողները» խորագրի ներքո այսօր Գյումրու Աբովյան փողոցում բացվեց բացօթյա ցուցահանդես, որտեղ ներկայացվեցին 55 միավոր եկեղեցական համալիրներ եւ հուշարձաններ։ Նախաձեռնողը «Ժողովրդավարական համախմբում» կուսակցությունն է։ Ցուցահանդեսի նպատակն է Շիրակի մարզում եւ Գյումրի քաղաքի հյուրերի շրջանում բարձրացնել Արցախյան երկրորդ պատերազմի հետեւանքով Ադրբեջանի վերահսկողության տակ անցած հայկական մշակութային հուշարձանների վերաբերյալ իրազեկվածությունը՝ մշակութային ցեղասպանությունը կանխելու ուղղությամբ քայլերի ձեռնարկմամբ: