Ավելի քան 210 կորած հայ զինծառայողի մասին հաղորդագրություն է եկել թեժ գծին․ ՌԴ ՊՆ

Ստեփանակերտում խաղաղապահ գործունեության կառավարման կենտրոնը նոյեմբերի 30-ից դեկտեմբերի 4-ը 214 հաղորդագրություն է ստացել կորած հայ զինծառայողների մասին։ Տեղեկությունը հայտնում է Ռուսաստանի պաշտպանության նախարարությունը։

Մասնագետները ստուգել, մշակել ու խաղաղապահ գործողության կառավարման կենտրոնի որոնողական խմբերին են փոխանցել 186 զինծառայողների տվյալները։ Քառասունհինգ քաղաքացու հեռախոսով հոգեբանական օգնություն է ցուցաբերվել, ինը շնորհակալական արձագանք է ստացվել կորածների որոնման հարցում օգնելու համար։

Այս պահին ավելի քան 1900 մարդ դիմել են կորած ազգականների, ունեցվածքի վերադարձի ու այլ հարցերով։

 

Related posts

ԱԱԾ աշխատակիցները մտել են վեհարան, դուռը կողպել. իրավիճակը մնում է ծայրահեղ լարված

Վարչապետը մասնակցել է «Հայաստան» հիմնադրամի հոգաբարձուների խորհրդի հերթական նիստին

Մայր Աթոռում իրավիճակը լարված է