Առնվազն 20 մարդ է զոհվել, 52 մարդ տարբեր աստիճանի վնասվածքներ է ստացել Դամասկոսի Դվեյլա թաղամասի Սուրբ Եղիա հույն ուղղափառ եկեղեցում ահաբեկչական հարձակման հետևանքով:
Սիրիայի ներքին գործերի նախարարությունն իր պաշտոնական Telegram-ի ալիքում տեղեկացրել է, որ «Իսլամական պետություն» ահաբեկչական կազմակերպության ինքնասպան ահաբեկիչը մուտք է գործել մայրաքաղաք Դամասկոսի Դվեյլա շրջանում գտնվող Սուրբ Եղիա եկեղեցի, կրակ բացել հավատացյալների ուղղությամբ, ապա իրեն պայթեցրել:
Ոստիկանության ստորաբաժանումները ամբողջությամբ շրջափակել են տարածքը, մասնագիտական խմբերը սկսել են ապացույցների հավաքագրման աշխատանքը:
Սիրիայի առողջապահության նախարարության վերջին տվյալներով՝ զոհերի թիվը հասել է 20-ի, վիրավորներինը՝ 52-ի։