ՀՀ վարչապետ Նիկոլ Փաշինյանը հաստատել է, որ մասնակցելու է դեկտեմբերի վերջին Սանկտ Պետերբուրգում կայանալիք ԱՊՀ ոչ պաշտոնական գագաթնաժողովին:
«Այո՛, մասնակցելու եմ: Այս պահին պաշտոնական երկկողմ հանդիպման առաջարկ չկա, բայց Ադրբեջանի նախագահի հետ անպայման շփում կլինի, քանի որ այնտեղ լինելու ենք ԱՊՀ երկրների ղեկավարներով:
Պաշտոնական բանակցության վերաբերյալ այս պահի դրությամբ առաջարկ չենք ստացել, և քանի որ գագաթնաժողովը ոչ պաշտոնական է, շփումները ևս կլինեն ոչ պաշտոնական»,- նշել է Նիկոլ Փաշինյանը՝ պատասխանելով հարցին՝ գագաթնաժողովին արյոք հնարավո՞ր է հանդիպում Ադրբեջանի նախագահի հետ։