Պաշտպանության նախարար Սուրեն Պապիկյանը ելույթ է ունեցել Վազգեն Սարգսյանի անվան ռազմական ակադեմիայի շրջանավարտների ավարտական միջոցառման ժամանակ։
«Շնորհավորում եմ բոլորիս այս հիշարժան օրվա կապակցությամբ: Սա այն օրն է, երբ հերթական փաղանգը՝ սպայական փաղանգը, մուտք է գործում ՀՀ ԶՈՒ:
Դուք այսօր ստացել եք առաջին սպայական պատվաբեր կոչումը, ինչը, ըստ իս, ամենաբարձր ու առաքինի կոչումն է մերօրյա Հայաստանում:
Տարիներ առաջ դուք որոշել եք դառնալ Հայաստանի Հանրապետության բանակի կարևոր մասնիկը: Այսօր արդեն դուք դառնալու եք այդ կարևոր համակարգի հրամկազմի կարևոր օղակ:
Սերժանտական համակարգի ներդրումից հետո, իհարկե, դասակի հրամանատարի դերակատարումն էապես փոխվելու է, բայց այստեղ չի պակասելու ձեր պատասխանատվությունը: Շատ կարևոր են ձեր գիտելիքները և դրա հիման վրա ստեղծագործական միտքը: Անհրաժեշտ պահին դուք պիտի առաջնորդեք ձեզ վստահված անձնակազմին՝ անսասան պահելով մեր հայրենիքի սուրբ սահմանները»,- մասնավորապես նշել է նախարարը:
Հիշեցնենք՝ այսօր ՀՀ ՊՆ Վազգեն Սարգսյանի անվան ռազմական ակադեմիայում տեղի է ունեցել 2024-2025 ուստարվա շրջանավարտների ավարտական հանդիսավոր միջոցառումը։
Արարողությանը ներկա են եղել Սուրեն Պապիկյանը, պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, բարձրաստիճան սպաներ, հյուրեր, ծնողներ։
Իմ ելույթը՝ ռազմական ակադեմիայի շրջանավարտների ավարտական միջոցառման ժամանակ։
🔗 https://t.me/+rllEQFpESYEyNThi
Опубликовано Սուրեն Պապիկյան/ Suren Papikyan Понедельник, 21 июля 2025 г.