ՀՀ Կառավարության որոշմամբ պատերազմի հետևանքով անհայտ կորած զինծառայողների ընտանիքները աջակցություն կստանան:
«Սույն որոշմամբ անհայտ կորած են համարվելու պաշտպանության նախարարության կողմից ներկայացված, իրենց տվյալներում առկա զինծառայողների ընտանիքների վերաբերյալ տեղեկությունների հիման վրա: Գործընթացը կազմակերպվելու է Զինծառայողների կյանքին կամ առողջությանը պատճառված վնասների հատուցման հիմնադրամի կողմից՝ հաշվի առնելով այն հանգամանքը, որ այս հիմնադրամն է հետագայում այս անձանց օրենքով սահմանված կարգով շահառու դառնալու պարագայում շարունակելու փոխհատուցումը, և աջակցությունը տրամադրվելու է այնքան, մինչև այս անձինք կդառնան հիմնադրամի շահառու՝ համաձայն գործող օրենքի: Աջակցությունը տրամադրվելու է բյուջեից: Այս պահին 500 միլիոն դրամի չափով այնուհետև հիմնադրամի կողմից վճարումները կատարելուց հետո՝ կատարված չափով կփոխհատուցվի նույնպես բյուջեի միջոցներով»,- տեղեկացրեց ՀՀ աշխատանքի և սոցիալական հարցերի նախարար Մեսրոպ Առաքելյանը: