Անհայտ կորածների ցուցակն այս պահին նվազման միտում ունի. Տոնոյան

ՀՀ պաշտպանության նախարար Դավիթ Տոնոյանը խորհրդարանում՝ հարցուպատասխանի ժամանակ, ասաց, որ նախարարությունում ստեղծվել է հանձնաժողով, որը անհայտ կորածներին հայտնաբերելու համար սերտորեն համագործակցում է Կարմիր խաչի ներկայացուցիչների և ՌԴ խաղաղապահ կոնտինգենտի հետ:

«Անհայտ կորածների ցուցակն այս պահին ունի նվազման միտում, որովհետև ճշգրտումների արդյունքում պարզվում է, որ բավականին շատ անհայտ կորածներ հայտնվում են ցուցակներում, որոնք ողջ-առողջ են, ուղղակի հաշվառման առումով սխալ է եղել: Մենք նախաձեռնել ենք օրենսդրական փոփոխություն, բայց, ըստ երևույթին, նաև կլինեն որոշակի շտկումներ զուտ հիմնադրամի հնարավորությունից և պետբյուջեի օգտվելու հնարավորություններից»,- հավելեց նախարարը:

Տոնոյանի խոսքով՝ ամեն ինչ արվել է, որ այն ընտանիքները, որոնք ունեն կորուստներ, ստանան ինչպես պետական, այնպես էլ հիմնադրամի աջակցությունը:

«Շատ յուրահատուկ իրավիճակ է: Մենք ամեն ինչ անում ենք, որ փոփոխություն կատարվի նաև օրենքի հետ կապված հարցերում, բայց կարծում եմ՝ Կառավարության որոշումներով մենք խնդիրները կշտկենք»,- ասաց Դավիթ Տոնոյանը:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում