Երևանի քաղաքապետարանն արգելել է Երևանում հրավառությունները` բացառությամբ Հանրապետության և Ազատության հրապարակների։ Նման որոշում է կայացվել Երևանի ավագանու այսօր կայացած նիստում, տեղեկանում ենք քաղաքապետարանի կայքից։
«Հանրապետության ու Ազատության հրապարակներում հրավառությունը թույլատրվելու է միայն տոն օրերին՝ տեղական և պետական ինքնակառավարման մարմինների նախաձեռնությամբ: Մասնավոր անձանց կողմից հրավառությունների իրականացումն այսուհետ կարգելվի Երևանում»,–ասված է հաղորդագրության մեջ։
Ի դեպ` նախագիծը ներկայացրել է Երևանի փոխքաղաքապետ Տիգրան Ավինյանը` ասելով, որ կարող են լինել նաև առանձին, բացառիկ միջոցառումներ, որոնց պարագայում հրավառություն կարող է իրականացվել քաղաքապետի թույլտվությամբ: