Ալկոհոլային խմիչքների արտադրողները հայտնվել են արտադրության հետ կապված լուրջ խնդրի առաջ․ չվաճառված պաշարների ընդհանուր ծավալը հասել է շուրջ 22 միլիարդ դոլարի։ Մեծ ընկերությունները ստիպված են ժամանակավորապես դադարեցնել արտադրությունը՝ կուտակված ալկոհոլը իրացնելու նպատակով։
Ֆրանսիական Rémy ընկերության դեպքում չիրացված կոնյակի պաշարների արժեքը կազմում է մոտ 1,8 միլիարդ եվրո, ինչը գրեթե կրկնակի գերազանցում է ընկերության տարեկան եկամուտը։
Հումքի և պատրաստի արտադրանքի ավելցուկը հանգեցրել է նաև գների անկման։ Մասնավորապես՝ ԱՄՆ-ում Hennessy կոնյակի մեկ շշի գինը նվազել է 45 դոլարից մինչև 35 դոլար։
Վերլուծաբանների գնահատմամբ՝ պահանջարկի նվազումը, գնաճի ազդեցությունը սպառողական վարքագծի վրա և շուկաների գերհագեցվածությունը դարձել են ոլորտում առկա ճգնաժամի հիմնական պատճառները, ինչը կարող է երկարաժամկետ ազդեցություն ունենալ ալկոհոլային արդյունաբերության վրա։