Ադրբեջանի նախագահ Իլհամ Ալիևը հրամանագիր է ստորագրել Ադրբեջանի վեցերորդ գումարման Միլի Մեջլիսը ցրելու և երկրում արտահերթ ընտրություններ նշանակելու մասին։
Հրամանի համաձայն՝ Ադրբեջանի վեցերորդ գումարման Միլլի Մեջլիսը ցրվում է։
Այս մասին հայտնում է ԱՊԱ-ն։
Ադրբեջանում արտահերթ ընտրությունները նշանակված են 2024 թվականի սեպտեմբերի 1-ին։
Նշենք, որ հունիսի 21-ին Ադրբեջանի Միլլի Մեջլիսը պաշտոնապես դիմել էր երկրի նախագահ Իլհամ Ալիևին՝ արտահերթ խորհրդարանական ընտրությունների անցկացման հարցով։ Դիմումին կողմ էր քվեարկել 105, դեմ՝ 1 պատգամավոր։
Հունիսի 27-ին Ադրբեջանի Սահմանադրական դատարանի անդամները որոշել են, որ Մեջլիսի ցրումը և արտահերթ խորհրդարանական ընտրությունների նշանակումը համապատասխանում են Սահմանադրությանը։