ԱԺ նախագահն ու Կիպրոսի պաշտպանության նախարարն անդրադարձել են ԼՂ-ում թուրք-ադրբեջանական ագրեսիային

Ազգային ժողովի նախագահ Արարատ Միրզոյանը Կիպրոսի պաշտպանության նախարար Խարալամբոս Պետրիդեսի հետ հանդիպմանը շնորհակալություն է հայտնել Հայոց ցեղասպանության 106-րդ տարելիցի միջոցառումներին Երևանում մասնակցելու համար, ինչը ևս մեկ անգամ փաստում է երկու երկրների բարեկամության և եղբայրության մասին: Խորհրդարանի խոսնակը նշել է, որ Հայաստանի և Կիպրոսի ամուր կապերը հիմնված են դարավոր քրիստոնեական և մշակութային կապերի վրա՝ հայտնում են ԱԺ-ից:

Արարատ Միրզոյանը հավելել է, որ Հայաստանի խորհրդարանն իր հերթին ճանաչել է Օսմանյան Թուրքիայում Պոնտոսի հույների ցեղասպանությունը: Նա նշել է, որ անհրաժեշտ է էլ ավելի խորացնել համագործակցությունը թե՛ երկկողմ, թե՛ Հայաստան-Կիպրոս-Հունաստան եռակողմ ձևաչափում:

Պաշտպանության նախարարը շնորհակալություն է հայտնել Արարատ Միրզոյանին հյուրընկալության համար՝ նշելով, որ Կիպրոսը եղբայրական զգացմունքներով է լցված Հայաստանի և հայ ժողովրդի նկատմամբ: Պետրիդեսն ընդգծել է, որ մեր երկու երկրների արտաքին սպառնալիքները բավականին նման են՝ պայմանավորված Թուրքիայի ագրեսիվ քաղաքականությամբ:

Զրուցակիցներն անդրադարձել են Լեռնային Ղարաբաղում թուրք-ադրբեջանական ագրեսիային՝ երկուստեք կարևորելով Ադրբեջանում պահվող հայ ռազմագերիների և այլ պահվող անձանց անհապաղ վերադարձի անհրաժեշտությունը:

Հանդիպման ընթացքում քննարկվել են խորհրդարանների միջև, պաշտպանական և այլ ոլորտներում համագործակցության հարցեր:

Related posts

Գևորգ Պապոյանը կգործուղվի Շվեյցարիա

Ժնևի ՄԱԿ գրասենյակում Հայաստանի նախաձեռնությամբ տեղի ունեցավ շախմատի դիվանագիտական անդրանիկ մրցաշարը

Վարչապետ Նիկոլ Փաշինյանի հետ հետևել ենք բանակային խաղերի շրջանակում անցկացված մարտական փոխանցումավազքի մրցումներին․ Սուրեն Պապիկյան