Ֆենոմենալ համադրությունների քաղաք է Գյումրին: Ազնավուրյան կատարումներ՝ ազգային նվագարաններով: Առաջին հայացքից, իհարկե, թվում է անհամատեղելի են այս երկուսը, բայց Գյումրիում ապացուցում են՝ հնարավոր է: Գյումրու ժողգործիքների պետական նվագախմբի նվագակցությամբ Ազնավուրյան կատարումներ են հնչում տարբեր երգիչների կողմից: Աճեմյանական բեմին երաժշտական տարբեր ոճեր են մեկտեղվել լեգենդի 100 ամյակը նշելու առթիվ: Բարդ ու երկարատեւ աշխատանք է իրականացրել նվագախումբը բարձրակարգ արդյունքի հասնելու համար: