Ադրբեջանի, Վրաստանի և Կենտրոնական Ասիայի երկրների հետ փորձում ենք վերականգնել պատմական Մետաքսի ճանապարհը. Չավուշօղլու

Ադրբեջանի, Վրաստանի և Կենտրոնական Ասիայի երկրների հետ մենք փորձում ենք վերականգնել պատմական Մետաքսի ճանապարհը, այսօր՝ սեպտեմբերի 30-ին, հայտարարել է Թուրքիայի արտգործնախարար Մևլութ Չավուշօղլուն, հայտնում է Anadolu պետական լրատվական գործակալությունը։

Նրա խոսքով՝ պաշտոնական Անկարան ամեն մեկի հետ խոսում է նրան հասկանալի լեզվով։

«Օրինակ, Հունաստանի հետ մենք կխոսենք այն լեզվով, որը նա հասկանում է»,- ընդգծել է թուրքական դիվանագիտության ղեկավարը։

Չավուշօղլուն այնուհետև անդրադարձել է Արևելյան Միջերկրական ծովի վերջին զարգացումներին, այդ թվում՝ Կիպրոսի շուրջ ստեղծված իրավիճակին։

«Թուրքիան կոնկրետ քայլերով կպատասխանի հունական Կիպրոսի զենքի էմբարգոն չեղարկելու Վաշինգտոնի որոշմանը։ Եթե կղզում էսկալացիա եք ուզում, մենք պատշաճ կերպով կպատասխանենք»,- զգուշացրել է Չավուշօղլուն։

Related posts

Մասկը Թրամփի օրինագիծը «քաղաքական ինքնասպանություն» է անվանել

Զանգվածային ցույցեր՝ Բելգրադում․ ոստիկանությունն արցունքաբեր գազ և լուսաձայնային նռնակներ է կիրառել

ՀԷՑ-ը դառնալու է ՀՀ ու մեր քաղաքացիների սեփականությունը, իսկ ձեր գիտաֆանտաստիկ հերթական զառանցանքը հօդս է ցնդելու․ ՏԿԵ նախարար