Գյումրու թիվ 9 դպրոցի միջանցքում ֆիզկուլտուրայի դաս է. դրսում անձրեւ է, ներսում՝ մարզադահլիճ չկա, ուսուցչի հրահանգները կատարելու միակ հարմար վայրը դպրոցի միջանցքն է: Թիվ 9 դպրոցի այս նոր շենքը 2002 թվականի կառույց է, ինչպես մարզի շատ դպրոցներ, այս մեկում եւս ի սկզբանե մարզադահլիճ չի կառուցվել, հետո ֆինանսական միջոցների պակասի պատճառով տարիներ շարունակ չի ստացվել մարզադահլիճի համար գումարներ հայթայթել, արդյունքը դասընթացը թերի անցկացնելն է: