Ցրտի պատճառով փոփոխություններ են կատարվել Թրամփի երկրորդ երդմնակալության արարողակարգում

Բևեռային ցրտի պատճառով ԱՄՆ 47-րդ նախագահը երդում կտա ոչ թե Կապիտոլիումի աստիճաններին, այլ ներսում։ Փոփոխությունները կատարվել են վերջին պահին՝ ստիպելով անվտանգության ուժերին վերանայել մի շարք հարցեր:

Երդմնակալության արարողությունը տեղի կունենա Կապիտոլիումի ռոտոնդայի տակ վերջին քառասուն տարվա ընթացքում առաջին անգամ: Քանի որ շենքը կարող է տեղավորել ոչ ավելի, քան 700 մարդու, Capital One Arena-ն՝ 20.000 տեղանոց մարզահամերգային դահլիճը Վաշինգտոնի կենտրոնում, «երկուշաբթի կբացվի այս պատմական իրադարձության մասնակիցների համար»,- ասում են կազմակերպիչները:

Անվտանգության պարագծի երկայնքով՝ մինչև 48 կիլոմետր, տեղադրվել է 2 մետր 40 սանտիմետր բարձրությամբ պարիսպ՝ ռեկորդային ցուցանիշ, նշում են փորձագետները։ Մոբիլիզացվել է մինչև 25 հազար ոստիկան և զինվորական, հայտնել է Գաղտնի ծառայությունը, որը պատասխանատու է քաղաքական գործիչների պաշտպանության համար։ Ազգային գվարդիան կուղարկի 8000 մարդու՝ 40 նահանգից։ Միջոցառման նախօրեին մի քանի թաղամասում կառուցվել են պաշտպանիչ կառույցներ, սահմանափակվել է մեքենաների երթևեկությունը։

Երդմնակալության արարողությանն ամերիկացի քաղաքական գործիչներին կներկայացնեն երեք նախկին նախագահները՝ Բարաք Օբաման, Բիլ Քլինթոնը և Ջորջ Բուշը, հայտնում է ամերիկյան մամուլը։ Նախկին առաջին տիկին Միշել Օբաման և Ներկայացուցիչների պալատի նախկին խոսնակ Նենսի Փելոսին չեն մասնակցի։

Տեղական լրատվամիջոցների տվյալներով՝ Թրամփի երկրորդ երդմնակալությունը կլինի ամենաթանկը ԱՄՆ պատմության մեջ՝ մոտավորապես 170 միլիոն դոլար։

Related posts

Փրկարարներն իջեցրել են «Սուրբ Հովհաննես» մատուռի մոտակայքում ոտքը վնասած քաղաքացուն

Ըմբիշներ Մարտին Մանջիկյանը և Ջանես Նազարյանը դուրս են եկել Սկոպիեում ընթացող ԵԱ եզրափակիչ

Սեյրան Օհանյանը զավթել է պետական սեփականություն հանդիսացող հողատարածքը, իսկ Արծվիկ Մինասյանն ապահովել է այդտեղ առանձնատան տիրապետումը