Վարժական հավաքի կանչված քաղաքացու աշխատավարձը կպահպանվի. նախագիծ

ԱԺ աշխատանքի և սոցիալական հարցերի մշտական հանձնաժողովը հավանություն է տվել նախագծին, որը վերաբերում է վարժական հավաքների դեպքում աշխատանքի վարձատրության կազմակերպման կարգավորումներին:

ՀՀ աշխատանքի և սոցիալական հարցերի փոխնախարար Ռուբեն Սարգսյանը նշեց, որ մինչև 30 օր շարունակվող վարժական հավաքներին մասնակցելու պարագայում վարժական հավաքների մասնակիցները պետությունից ստանում են որոշակի գումար:

Բայց աշխատող քաղաքացիները, որոնք մեկնում են վարժանքների, խնդիր են ունենում իրենց եկամտի պահպանման մասով:

«Առկա կարգավորումով կա երաշխիք՝ աշխատատեղի պահպանման մասով, բայց աշխատավարձի մասով չկա: Գիտեք վերջին որոշումը, որ վարժական հավաքների տևողությունը նախատեսվել է 25 օր: Օրենքով սահմանել ենք, որ մինչև 30 օր վարժանքների մասնակցելու պարագայում գործատուն առնվազն վճարելու է տարբերությունը, որն աշխատակիցը ստանալու է վարժանքների մասնակցելու համար: Օրինակ՝ եթե իմ հիմնական աշխատավարձը 200 հազար դրամ է, և ես մասնակցում եմ վարժանքների ու ստանում 100 հազար դրամ, ապա գործատուն պետք է առնվազն վճարի այդ 100 հազար դրամը»,- ասաց Սարգսյանը:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում