Հարթագյուղցի Տիգրանը երիտասարդ էր , որն ապրեց ընդամենը 21 տարի, սակայն, իր կյանքը բովանդակային առումով հասցրել էր դարձնել հայտնի եւ ճանաչելի՝ իր իսկ ստեծագործությունների շնորհիվ: Տաղանդի հետ լույս աշխարհ եկած, տասը տարեկանում արդեն հայրենիքի պաշտպան. երգող ու ստեղծագործող տղա էր Տիգրան Հարությունյանը: Ունենալով ստեղծագործ, զգայուն հոգի՝ Տիգրանն ընդունվել էր Երեւանի Կոմիտասի անվան կոնսերվատորիայի Գյումրու մասնաճյուղը, որտեղ, ուսումը կիսատ թողնելով, զորակոչվել էր բանակ : Տիգրանի կյանքն ընդհատվել էր Արցախյան 44 – օրյա պատերազմի ընթացքում: Այսօր նրա ընկերը՝ Գրիգոր Խաչատրյանը, հավաքելով Տիգրանի ստեղծագործությունները , դրանց հիման վրա երգեր է գրել: Գյումրու տեխնոլոգիական կենտրոնի դահլիճում կայացավ Տիգրանի «Սեւ արագիլ» գրքի շնորհանդես-համերգը: