Ռուսաստանը չի ընդունի ուկրաինական հակամարտությունում զինադադարի հաստատումը, հակամարտության հիմնական պատճառները լուծելու համար անհրաժեշտ են իրավաբանորեն պարտադիր պայմանագրեր, հայտարարել է ՌԴ ԱԳ նախարար Սերգեյ Լավրովը:
«Մեզ անհրաժեշտ են հուսալի, իրավաբանորեն պարտավորեցնող պայմանավորվածություններ, որոնք ուղղված են հակամարտության հիմնական պատճառների վերացմանը, ներառյալ՝ Եվրոպայում ընդհանուր անվտանգությունը, ՆԱՏՕ-ի ընդլայնումը և, անշուշտ, այն մարդկանց իրավունքները, որոնք ապրում են ՌԴ-ի հետ վերամիավորման ձգտող տարածքներում»,- ասել է ՌԴ ԱԳ նախարարը:
Լավրովը հավելել է. «Պետք է աշխատել Եվրոպայում խնդիրների, այդ թվում՝ ուկրաինական ճգնաժամի վերջնական, լիարժեք, իրավաբանորեն ամրագրված, երկարաժամկետ կարգավորման ուղղությամբ»։