Ռուսաստանը չի խառնվում Ադրբեջանի և Հայաստանի գործերին:
Այս մասին «Իզվեստիա»-ի հետ զրույցում ասել է Կրեմլի մամուլի քարտուղար Դմիտրի Պեսկովը՝ հիշեցնելով, որ ԱՊՀ ձևաչափի համաձայն՝ երկրների ղեկավարները միշտ նստում են մեկ սեղանի շուրջ, բայց դա չի վկայում Մոսկվայի՝ Բաքվի և Երևանի գործերին մասնակցության մասին։
«Նրանք այսպես թե այնպես շարունակում են իրենց երկխոսությունը ԱՊՀ շրջանակներում։ Բայց մնացածը՝ երկկողմ հարաբերությունները, այլևս մերը գործը չէ, դա նրանց ինքնիշխան իրավասությունն է: Միաժամանակ ռուսական կողմը երկխոսության մեջ է երկու երկրների հետ»,- ասել է նա։
«Մենք քննարկել ենք ռուս-հայկական հարաբերությունները Հայաստանի, և ռուս-ադրբեջանական հարաբերությունները՝ Ադրբեջանի հետ»,- հավելել է Պեսկովը։