Ռուսաստանը Հայաստանին և Ադրբեջանին զսպվածության կոչ է անում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ նշելով, որ շփման գծից տագնապալի լուրեր են ստացվում։
«Պետք է ամեն կերպ խուսափել այնպիսի գործողություններից, որոնք մյուս կողմը կարող է սադրիչ համարել։ Մենք շատ ուշադիր հետևելու ենք»,- նշել է նա:
Լրագրողները Պեսկովից հետաքրքրվել են՝ արդյոք սահմանային այս էսկալացիան վտանգո՞ւմ է խաղաղության պայմանագրի ստորագրումը։ Նրա խոսքով՝ նման միջադեպերը առնվազն չեն նպաստում գործընթացի առաջխաղացմանը կամ խաղաղության պայմանագրի ստորագրմանը, բայց Մոսկվան հուսով է, որ գործընթացը կշարունակվի: