Աստանայում կայացած գագաթնաժողովի արդյունքում ՌԴ, Իրանի և Թուրքիայի նախագահները հանդես են եկել համատեղ հայտարարությամբ: Ինչպես հայտնում է ՏԱՍՍ-ը, հայտարարության հիմնական դրույթներն են`
– ՌԴ-ն, Իրանն ու Թուրքիան մերժում են Սիրիայի դեմ բոլոր միակողմանի պատժամիջոցները:
– Սիրիական հակամարտությունը ռազմական լուծում չունի:
– ՌԴ-ն, Իրանն ու Թուրքիան հավատարիմ են մնում Սիրիայի տարածքային ամբողջականությանն ու միասնականությանը, անկախությանն ու ինքնիշխանությանը:
– ՌԴ-ն, Իրանն ու Թուրքիան դատապարտում են Սիրիայում ահաբեկչական կազմակերպությունների աճող ներկայությունն ու գործունեությունը, ինչպես նաև երկրում ահաբեկչության դեմ պայքարի անվան տակ ինքնակառավարման ապօրինի նախաձեռնությունները:
Ղեկավարները որոշել են հաջորդ եռակողմ գագաթնաժողովն անցկացնել Ռուսաստանում: Նախագահները պայմանավորվել են եռակողմ ձևաչափն ընդլայնել` այն չսահմանափակելով սիրիական թեմայով: