Ռուսաստանի արտգործնախարարությունն անդրադարձել է ուկրաինական կողմի հարձակմանը Բելգորոդի վրա, այն որակել «ահաբեկչություն»։
ՌԴ ԱԳՆ հայտարարության մեջ նշվում է, որ Քննչական կոմիտեն Բելգորոդի և Բելգորոդի շրջանի վրա Ուկրաինայի զինված ուժերի հարձակման փաստով քրեական գործ է հարուցել ՌԴ Քրեական օրենսգրքի ահաբեկչական գործողություն հոդվածով, և որ Ուկրաինայի իշխանությունները և հարձակման համար պատասխանատուները պատիժ կկրեն օրենքին համապատասխան։
«Կրկին կոչ ենք անում բոլոր պատասխանատու կառավարություններին և պրոֆիլային միջազգային կառույցներին՝ հանդես գալ այս դաժան ահաբեկչության վճռական դատապարտմամբ և հրապարակայնորեն հեռու մնալ նման հանցագործություններ կատարող Կիևի ռեժիմից և նրա արևմտյան հրահանգիչներից»,- ասված է հայտարարության մեջ։