Պուտինն ու Մակրոնը կրկին քննարկել են Ուկրաինայի շուրջ ստեղծված իրավիճակը

Ռուսաստանի և Ֆրանսիայի նախագահներ Վլադիմիր Պուտինն ու Էմանուել Մակրոնը կրկին հեռախոսազրույց են ունեցել՝ փոխանցել են Կրեմլի մամուլի ծառայությունից:

Կողմերը շարունակել են կարծիքների փոխանակումը Ուկրաինայի շուրջ ստեղծված իրավիճակի և Ռուսաստանին անվտանգության երաշխիքների տրամադրման հետ կապված հարցերով: Վլադիմիր Պուտինը ներկայացրել է այդ խնդիրների վերաբերյալ ՌԴ սկզբունքային մոտեցումները։

Կրեմլի տարածած հաղորդագրության համաձայն՝ պայմանավորվածություն է ձեռք բերվել՝ շարունակելու հեռախոսային շփումները, ինչպես նաև դիտարկել Ռուսաստանի և Ֆրանսիայի նախագահների հանդիպման կազմակերպման հնարավորությունը:

Պուտինի և Մակրոնի նախորդ հեռախոսազրույցը տեղի էր ունեցել հունվարի 28-ին:

Related posts

«Սևան»» ազգային պարկ» ՊՈԱԿ-ին կվերադարձվի 15 հազար քմ մակերեսով հողամասը. Գլխավոր դատախազության հայցը բավարարվել է

Թուրքիայի նախագահի ընտրությունը կանցկացվի 2028 թվականին. Էրդողան

Տաքսիներում օրենսդրական նորմի ուժի մեջ մտնելու օրվանից մինչև հունիսի 30-ը առցանց համակարգով դուրս է գրվել շուրջ 91 մլրդ դրամի ՀԴՄ կտրոն