Թուրքիայի նախագահ Ռեջեփ Էրդողանը հայտարարել է, որ կառավարության օրակարգում չկա նախագահի և խորհրդարանի արտահերթ ընտրություններ անցկացնելու հարց։ Քվեարկությունը տեղի կունենա սահմանադրության համաձայն՝ 2028 թվականին։ Այս կերպ նա արձագանքել է ընդդիմադիր Ժողովրդա-հանրապետական կուսակցության ղեկավար Օզգյուր Օզելի կոչերին՝ վաղաժամկետ քվեարկություն անցկացնելու վերաբերյալ։
«Ես Օզելին կրկին հիշեցնում եմ։ Քանի որ սահմանադրությունը և ընտրական օրենսդրությունը չեն փոխվել, նախագահի և խորհրդարանի ընտրությունները կանցկացվեն 2028 թվականին, իսկ մունիցիպալ ընտրությունները՝ 2029-ին։ Պարո՛ն Օզել, դուք կարող եք ունենալ ձեր սեփական տեսլականը և մատը դնել օրացույցի ցանկացած կիրակիի վրա ու ասել, որ հենց այդ ժամանակ պետք է տեղի ունենան ընտրությունները, բայց իշխանություններն ու ժողովուրդը նման օրակարգ չունեն»,- հայտարարել Է Էրդողանը խորհրդարանում ելույթի ժամանակ։