Պուտինն ու Էրդողանը հեռախոսազրույցի ժամանակ անդրադարձել են Մերձավոր Արևելքի իրավիճակին

Ռուսաստանի և Թուրքիայի նախագահներ Պուտինն ու Էրդողանը հեռախոսազրույց են ունեցել, որի ժամանակ քննարկել են պաղեստինաիսրայելական հակամարտության գոտում կտրուկ սրված իրավիճակը: Նրանք խոր մտահոգություն են հայտնել բռնության շարունակվող էսկալացիայի և խաղաղ բնակչության շրջանում զոհերի աղետալի աճի կապակցությամբ:

Ռուսաստանի և Թուրքիայի նախագահներն ընդգծել են բանակցային գործընթացի վերսկսման անհրաժեշտությունը։ Ըստ Կրեմլի հաղորդագրության՝ կողմերը նշել են, որ մերձավորարևելյան ճգնաժամի երկարաժամկետ կարգավորումը հնարավոր է ՄԱԿ-ի Անվտանգության խորհրդի հաստատած «երկու պետություն» բանաձևի հիման վրա, որի համաձայն պետք է ձևավորվի պաղեստինյան անկախ պետություն։

Հեռախոսազրույցի ժամանակ նախագահներն անդրադարձել են նաև տարբեր ոլորտներում ռուս-թուրքական համագործակցության որոշակի հարցերին։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում