Ուկրաինայում եվրոպական զորքերի ներկայությունը կհանգեցնի Ռուսաստանի դեմ պատերազմի՝ հայտարարել է Վլադիմիր Պուտինը։ Նրա խոսքով՝ եվրոպական երկրներում այժմ քննարկվում է այդ հարցը:
Կրեմլի ղեկավարի կարծիքով՝ Արևմուտքում տարբեր դերակատարներ սխալ քաղաքականություն են վարում անվտանգության, տնտեսության և այլ ոլորտներում: Նա մեղադրել է արևմտյան երկրներին Ուկրաինայում հակամարտություն հրահրելու համար:
«Մոսկվան բազմիցս հայտարարել էր, որ դեպի արևելք ՆԱՏՕ-ի ընդլայնումն անընդունելի է»,- կրկնել է Պուտինը։
Միևնույն ժամանակ, Ռուսաստանի նախագահը վստահեցրել է՝ Մոսկվան չի սպառնում եվրոպացիներին և հակամարտելու մտադրություն չունի։
«Բոլոր հարցերը լուծվել են Երկրորդ համաշխարհային պատերազմից հետո»,- նշել է նա։ Ավելի վաղ Կրեմլի խոսնակը հույս էր հայտնել, որ մոտ ապագայում Ռուսաստանը, Ուկրաինան և Միացյալ Նահանգները եռակողմ բանակցություններ կանցկացնեն։
«Մոսկվան բաց է քննարկումների համար, բուն բանակցությունները սկսելու համար նախապայմաններ չկան»,- նշել էր Դմիտրի Պեսկովը:
Նա հավելել է, որ ԱՄՆ նախագահ Դոնալդ Թրամփը ստեղծված իրավիճակի վերաբերյալ սեփական տեսակետն ունի, և քիչ հավանական է, որ որևէ մեկը կարողանա ազդել դրա վրա։