Վերջին շաբաթներին հաճախակի են դարձել հրդեհներն ու պայթյունները ինչպես Ուկրաինայի հետ Ռուսաստանի սահմանային, այնպես էլ մյուս շրջաններում, ինչի հետևանքով կան զոհեր և վիրավորներ՝ գրում է BBC-ն։
Ապրիլի 11-ից Ռուսաստանի սահմանամերձ շրջաններում գործում է ահաբեկչական սպառնալիքի բարձր մակարդակ։ Ռուսական կողմն այդ հարձակումներից շատերի համար մեղադրում է Ուկրաինային։ Կիևը, սակայն, պնդում է, որ ռազմական գործողություններ չեն իրականացնում Ռուսաստանի տարածքում։
«Ռազմական գործողություններ ներկայումս տեղի են ունենում միայն Ուկրաինայի սահմաններում, և դրանք չեն տարածվել Ռուսաստան, ուկրաինական բանակը ռազմական օպերացիա չի իրականացնում Ռուսաստանի տարածքում»,- ասել է Ուկրաինայի նախագահ Վլադիմիր Զելենսկին Al-Arabiya և Hadas արաբական հեռուստաալիքների հետ հարցազրույցում։