Կիևի ոստիկանությունը հոկտեմբերի 8-ին տեղեկատվություն Է ստացել, որ մայրաքաղաքի Դնեպրովսկի շրջանում մահացած հայտնաբերել են Ուկրաինայի ժողովրդական պատգամավոր Անտոն Պոլյակովին:
«Կանխապես իրավապահ մարմինները որոշել են, որ տղամարդը ճանապարհին իրեն վատ Է զգացել տաքսիում, նրան շտապ օգնության բժիշկները փորձել են հոսպիտալացնել, բայց արձանագրել են մահ: Այժմ ոստիկանները դեպքի վայրում անցկացնում են անհրաժեշտ նախնական հետաքննչական գործողությունները ժողովրդական պատգամավորի մահվան հանգամանքները պարզելու համար: Նրա մարմինն ուղարկվելու Է դատաբժշկական փորձաքննության, ինչը պետք Է պարզի մահվան պատճառը»,-ասվում Է հաղորդագրության մեջ:
Focus.ua լրատվականի հաղորդմամբ՝ պատգամավորին անգիտակից վիճակում հայտնաբերել են տաքսիում այն ժամանակ, երբ ոստիկանները կանգնեցրել են մեքենան ճանապարհատրանսպորտային երթևեկության կանոնների խախտման պատճառով: