«Շիրակ» ֆուտբոլային ակումբի մանկապատանեկան մարզադպրոցի ամենակրտսեր տարիքի՝ 8 տարեկանների թիմն իր մարզումներն անցկացնում է ֆուտբոլի ակադեմիայի հարմարավետ մարզադաշտերից մեկում: Ավագ մարզիչ Գեւորգ Ալեքսանյանը ժամանակին հանդես է եկել Գյումրու վարպետ թիմում ու իր արդյունավետ խոցումներով նպաստել է շիրակցիների հաղթական գործողություններին: Այսօր նա իր հարուստ փորձն ու գիտելիքներն է հաղորդում դեռահաս շիրակցիներին: