Ներքաղաքական լարումներն օգտագործվում են ընդդեմ Հայաստանի

Արթուր Հոցհաննիսյանն իր ֆեյսբուքյան էջում   անդրադարձել է  մարդկանց, որոնք երեկվանից կեղտոտ արշավ են սկսել  «Իմ քայլը» խմբակցության պատգամավոր Նազելի Բաղդասարյանի նկատմամբ: Գրառումը ներկայացնում ենք ստորև.

«Ցանկացած տրամաբանող մարդու համար նորություն չէ, որ մեր երկրի ներքաղաքական լարումները մշտապես օգտագործվել են ադրբեջանական իշխանությունների կողմից ընդդեմ Հայաստանի, իսկ հետպատերազմյան շրջանում ներքին անկայունությունն էլ ավելի է բարդացնում թե՛ գերիների վերադարձի հարցի , թե՛ այլ կարևորագույն հարցերի շուրջ վարվող բանակցությունների ընթացքը։

Եւ այս ամենի ֆոնին հայրենիքի փրկիչներ ինքնահռչակված խումբը երեկվանից կեղտոտ արշավ է սկսել գործընկերոջս՝ «Իմ քայլը» խմբակցության պատգամավոր

Nazeli Baghdasaryan / Նազելի Բաղդասարյան

-ի նկատմամբ այն բանից հետո, երբ տիկին Բաղդասարյանը հարցազրույցի ընթացքում իրավացիորեն նշել էր, որ ներքաղաքական լարված իրավիճակը խոչընդոտ է հանդիսացել նախորդ շաբաթ մի խումբ գերիների վերադարձին։

Պաշտոնի դիմաց գերիներին 3 օրում վերադրաձնել խոստացողների բրիգադի որոշ ներկայացուցիչներ համարձակվում են բարոյական գնահատականներ հնչեցնել գործընկերոջս նկատմամբ, որն օրնիբուն աշխատանք է իրականացնում մեր գերեվարված հայրենակիցների վերադարձի ուղղությամբ։
Այս մարդկանց մասին շատ ասելիք չկա․ նրանց թե՛ մարդկային, թե՛ բարոյական արժեքների բացակայության փաստը արձանագրվել է բազմիցս, ակնհայտ է նաև, որ նրանց համար ազգային անվտանգային և պետական շահը առոչինչ են իրենց տերերի նեղ քաղաքական ու անձնական շահերի դիմաց։
Սիրելի՛ հայրենակիցներ, որքան էլ մեր հասցեին հոգեբանական և ֆիզիկական սպառնալիքներ, վիրավորանքներ հնչեցնեն, փորձեն խոչընդոտել որոշ գործընթացներին, վստահ եղեք, որ «Իմ քայլը» խմբակցությունն ամուր կանգնած է իր տեղում և անում է ամենը գերիների վերադարձի, անհետ կորածների հայտնաբերման, երկրում կայունության հաստատման հասնելու ուղղությամբ։

»,- գրել է նա:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում