ԱՄՆ հատուկ բանագնաց Ջոն Քոուլը Բելառուսի նախագահի հետ բանակցություններից հետո հայտնել է Ալեքսանդր Լուկաշենկոյի՝ ԱՄՆ հնարավոր այցի նախապատրաստման մասին: Նրա խոսքով՝ Լուկաշենկոն հրավիրված է մասնակցելու Խաղաղության խորհրդի հետագա նիստերին:
«Մենք քննարկել ենք նախագահ Լուկաշենկոյի հնարավոր այցը ԱՄՆ և կաշխատենք դա կազմակերպելու ուղղությամբ: Նախագահ Դոնալդ Թրամփը անընդհատ խոսում է նախագահ Լուկաշենկոյի մասին՝ որպես իր շատ լավ ընկերոջ և հարգված համաշխարհային առաջնորդի»,- նշել է ամերիկացի պաշտոնյան:
Նրա խոսքով՝ անդրադարձ է եղել միջազգային մի շարք հարցերի, այդ թվում՝ Իրանի շուրջ իրավիճակին: Քոուլը հավելել է, որ Բելառուսի նախագահի կարծիքը շատ արժեքավոր է: