Մոսկվայի «Շերեմետևո», «Դոմոդեդովո», «Վնուկովո» և «Ժուկովսկի» օդանավակայաններում չեղարկվել է ավելի քան 60 չվերթ, 52-ը հետաձգվել է ավելի քան երկու ժամով, ավիաընկերությունների և օդանավակայանների ներկայացուցիչներն աշխատում են հետաձգված և չեղարկված չվերթների ուղևորների հետ։
Այս մասին հայտնել է Ռոսավիացիան։
«Մոսկվայի ժամանակով ժամը 10:00-ի (ՀՀ ժամանակով՝ 11:00) դրությամբ Մոսկվայի շրջանի օդանավակայաններում երկու ժամից ավելի հետաձգվել է 52 չվերթ, չեղարկվել՝ 62 չվերթ: Ավիաընկերությունները և օդանավակայանի մասնագետները աշխատում են հետաձգված և չեղարկված չվերթների ուղևորների հետ»,- ասվում է հաղորդագրության մեջ:
Բացի այդ, Մոսկվայի ժամանակով ժամը 10:00-ի (ՀՀ ժամանակով՝ 11:00) դրությամբ օդային տարածքի օգտագործման ժամանակավոր սահմանափակումների պատճառով մայիսի 28-ին 55 ինքնաթիռ շեղվել է այլընտրանքային օդանավակայաններ։
Ռոսավիացիան հիշեցրել է փոխադրողներին, որ չվացուցակի հնարավոր ճշգրտումների համատեքստում կարևոր է, որ փոխադրողները լիովին պահպանեն դաշնային ավիացիոն կանոնները, ներառյալ խմիչքների և սննդի տրամադրումը և հյուրանոցում ուղևորների տեղավորման կազմակերպումը:
«Հակասական հարցերը պետք է լուծվեն հօգուտ ուղևորների»,- ընդգծել են գերատեսչությունում։
Նշենք՝ մեկ գիշերվա ընթացքում ռուսական ՀՕՊ-ը ոչնչացրել է 296 ուկրաինական անօդաչու թռչող սարք։
Մոսկվայի բոլոր օդանավակայաններում սահմանափակումները արդեն հանվել են: