ՄԻԵԴ-ը մերժել է Լապշինի գործով Բաքվի բողոքը

Մարդու իրավունքների եվրոպական դատարանի (ՄԻԵԴ) Մեծ պալատը հոկտեմբերի 11-ին, արձագանքելով ադրբեջանական կողմի բողոքին, անփոփոխ է թողել դատարանի մայիսի 20-ի որոշումը, որով Ադրբեջանի իշխանությունները մեղավոր են ճանաչվել Բաքվի բանտում բլոգեր և լրագրող Ալեքսանդր Լապշինի ապօրինի կալանքի, կտտանքների և մահափորձի համար: Դատարանը Բաքվին պարտավորեցրել էր իսրայելցի բլոգերին վճարել 30 հազար եվրոյի չափով դրամական փոխհատուցում։

«Իհարկե ես ուրախ եմ, որ Ստրասբուրգի դատարանը նման որոշում է կայացրել: ՄԻԵԴ-ը, որպես կանոն, դեպքերի գրեթե 99 %-ում, չի հրաժարվում նախկինում ընդունված որոշումներից»,- ասել է Լապշինը:

Բաքուն նրան մեղադրել է ոչ միայն «երկրի սահմանն առանց Ադրբեջանի իշխանությունների հետ համաձայնեցնելու հատելու», այլև «անջատողականությանը սատարելու» և «Ադրբեջանում գործող իշխանությունները տապալելու կոչերի» համար:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում