Հակակոռուպցիոն քրեական դատարանում այսօր՝ հունվարի 23-ին, շարունակվում է «Մարտի 1»-ի գործով Ռոբերտ Քոչարյանի և մյուսների դատական քննությունը։
Iravaban.net-ի փոխանցմամբ՝ Գլխավոր դատախազությունը «Մարտի 1-ի» վերաբացված գործով նոր մեղադրանք առաջադրեց 2008 թվականին Պաշտպանության նախարարի պաշտոնը զբաղեցրած Սեյրան Օհանյանին:
Հանրային մեղադրող Հայկ Հովհաննիսյանն Օհանյանին նախկինում մեղսագրված՝ սահմանադրական կարգը տապալելու մասով վերագրված արարքի իրավական գնահատականը փոխարինեց նոր մեղադրանքով՝ պաշտոնեական լիազորություններն անցնել, որն անզգուշությամբ առաջացրել է ծանր հետևանքներ:
Այսօրվա նիստին նախատեսված էր հրապարակել նաև Արմեն Գևորգյանին առաջադրված նոր մեղադրանքը, սակայն, հաշվի առնելով Յուրի Խաչատուրովի պաշտպան Միհրան Պողոսյանի՝ այլ նիստով ծանրաբեռնվածության հանգամանքը, նիստը հետաձգվեց։