Հայաստանն ու Իրանը պայմանավորվել են սահմանային շուկա ստեղծել. «Արաս» ազատ տնտեսական գոտու տնօրենների խորհրդի անդամ

Հայաստանն ու Իրանը «Մեղրի» և «Արաս» ազատ տնտեսական գոտիներում համագործակցության խորացման համար բացառիկ հնարավորություններ ունեն: Այս մասին հայտարարել է Իրանի «Արաս» ԱՏԳ տնօրենների խորհրդի անդամ Ղոլամհոսեյն Քյարիմին:

Նա նշել է, որ ըստ նախկին պայմանավորվածությունների՝ Հայաստանն ու Իրանը պետք է սահմանային շուկա ստեղծեն: Քյարիմին նաև ընդգծել է, որ «Արաս» ԱՏԳ-ի կողմից համատեղ գոտի ստեղծելու փոխըմբռնման հուշագրի նախագիծ է պատրաստվել և ուղարկվել «Մեղրի» ԱՏԳ՝ քննարկելու և առաջարկներ ներկայացնելու համար:

Քյարիմիի խոսքով՝ Հայաստանն Իրանի դարպասն է դեպի Եվրասիական տնտեսական միություն, և հասանելիությունը ԵԱՏՄ անդամ երկրներին հիանալի հնարավորություն է միջազգային շուկաներում Իրանի դերի բարձրացման համար:

Related posts

Ձգտում ենք Հայաստանի շուրջ ստեղծել խաղաղության և բարգավաճման միջավայր․ Արարատ Միրզոյան

Ձերբակալվել են Երևանում ավտոբուսի վարորդին ծեծի ենթարկած անձինք. ՔԿ

Չարենցավանի ոստիկանները կանխել են թմրանյութի 6 տասնյակ փաթեթի տեղադրումը