6 տարի է անցել 2016 թվականի Ապրիլյան քառօրյա պատերազմից: Քառօրյայի ընթացքում հայկական զինված ուժերից մարտական գործողությունների հետեւանքով զոհվել են 110 եւ վիրավորվել 121 զինծառայող ու կամավորական: Շիրակի մարզային իշխանության ներկայացուցիչները, ուժային կառույցների ղեկավարներն ու զինվորականներն այսօր այցելել են «Շիրակ» գերեզմանատան «Ազատամարտիկների պանթեոն», ծաղիկներ խոնարհել եւ հարգանքի տուրք են մատուցել Ապրիլյան քառօրյա պատերազմում, ինչպես նաեւ Արցախյան պատերազմներում հայրենիքի համար կյանքը զոհաբերած հայորդիների հիշատակին: