2022 թվականի հունվարի 11-ին հայ-ադրբեջանական սահմանի արեւելյան ուղղությամբ՝ Վարդենիսի Վերին Շորժայի հատվածում, ադրբեջանական ստորաբաժանումների իրականացրած սադրանքի հետեւանքով զոհվել են ՀՀ ՊՆ զորամասի երկու զինծառայողներ. նրանցից մեկը 2002 թվականին ծնված շարքային Արթուր Մխիթարյանն է: Արթուրն այսօր կդառնար 20 տարեկան: Արսենի ձեռքով բացվող խաչքարը հավերժ կպատմի եղբոր՝ Արթուրի սխրանքի մասին, կպարտավորեցնի ավելի քան երբեւէ սիրել հայրենիքը: