ԱՄՆ նախագահ Դոնալդ Թրամփի կողմից ստեղծված «Խաղաղության խորհուրդը» կարող է ազդել ոչ միայն Ղազայի իրավիճակի, այլև Ուկրաինայի հակամարտության վրա։ Այսպես է Բելառուսի նախագահ Ալեքսանդր Լուկաշենկոն հիմնավորել իր միանալու որոշումը, հաղորդում է BelTA-ն։
Լուկաշենկոն այս հայտարարությունն արել է «Խաղաղության խորհրդին» իր երկրի անդամակցության և դրա կանոնադրության դրույթների կատարման մասին փաստաթուղթը ստորագրելուց հետո։
«Ես ստորագրել եմ համապատասխան դիմում Միացյալ Նահանգներին, որում նշվում է, որ մենք պատրաստ ենք ընդունել նրանց առաջարկը և դառնալ այս խորհրդի հիմնադիրները», – հայտարարել է Բելառուսի առաջնորդը։