Ռուսաստանի դիրքորոշումը Ուկրաինայի հետ բանակցություններում հետևյալն է. Ղրիմը Ռուսաստանի մաս է, ԴԺՀ-ն և ԼԺՀ-ն ճանաչվում են իրենց վարչական սահմաններում, ապառազմականացում, որի պարամետրերը պետք է համաձայնեցվեն, ինչպես նաև ապազգայնականացում՝ նախկինում Գերմանիայի նմանությամբ։ Այս մասին հայտարարել է Ռուսաստանի արտգործնախարար Սերգեյ Լավրովը Al Jazeera հեռուստաալիքին:
Դիվանագետի խոսքով՝ Ռուսաստանը պատրաստ է քննարկելու անվտանգության երաշխիքների հարցը։ «Ուկրաինայում ընդհանրապես չպետք է լինի որևէ սպառազինություն, որը կարող է սպառնալ Ռուսաստանի Դաշնության անվտանգությանը»,- նշել է Լավրովը: