Իրանում ձերբակալվել է Իսրայելի «Մոսադ» հետախուզական գործակալության երկու գործակալ, որոնց մոտ հայտնաբերվել են պայթուցիկ նյութեր և անօդաչու սարքեր, հաղորդում է Tasnim լրատվական գործակալությունը՝ հղում անելով իրավապահ մարմիններին։
Ձերբակալվածների մոտ հայտնաբերվել են 23 անօդաչու թռչող սարքերի համար նախատեսված սարքավորումներ, արձակման սարքեր, կառավարիչ, Nissan բեռնատար և ավելի քան 200 կգ պայթուցիկ նյութ։
Հիշեցնենք՝ Իրանի և Իսրայելի միջև հունիսի 13-ից լարված իրավիճակ է, որը սկսվել է Իսրայելի կողմից Իրանի ուղղությամբ հրթիռային հարվածներից հետո:
Առաջին հարձակումները իրականացվել են Իրանի միջուկային օբյեկտների վրա: Սպանվել են Իրանի առանցքային զինվորականներն ու միջուկային գիտնականները:
Թեհրանը պատասխանել է՝ հարյուրավոր հրթիռներ արձակելով Իսրայելի ուղղությամբ, որից հետո իսրայելական ինքնաթիռները շարունակել են հարվածել Իրանի տարածքում գտնվող թիրախներին: Փոխադարձ հարվածները դեռ շարունակվում են: