Իրանը հրթիռային հարվածներ է հասցրել Իրաքյան Քրդստանի տարածքին

Ամերիկացի զինվորականներն իրանական անօդաչու թռչող սարք են խոցել Իրաքյան Քրդստանում՝ հայտնել է ԱՄՆ կենտրոնական հրամանատարությունը։ Իրանի Իսլամական հեղափոխության պահապանների կորպուսի ցամաքային զորքերի հրամանատարն էլ զգուշացրել է, որ հարվածները շարունակվելու են մինչև հակաիրանական և անջատողական ահաբեկչական խմբավորումների լիակատար զինաթափումը։

ԱՄՆ նախագահի՝ ազգային անվտանգության հարցերով օգնական Ջեյք Սալիվանը դատապարտել է Իրանի կողմից Իրաքյան Քրդստանի հրթիռակոծումը, շեշտել՝ Վաշինգտոնը կշարունակի պատժամիջոցներ սահմանել Իրանի դեմ՝ Մերձավոր Արևելքում Թեհրանի գործունեությունը խոչընդոտելու համար:

Լրատվամիջոցների տվյալով՝ իրանական կողմն առնվազն 360 հրթիռ է արձակել Էրբիլ և Սուլեյմանիա նահանգների ուղղությամբ։ Իրաքի առողջապահության նախարարության հաղորդագրության համաձայն՝ առնվազն 9 մարդ է զոհվել, ավելի քան 30-ը՝ վիրավորվել:

Related posts

Այսօրվա համաժողովը վկայում է հայ-ռուսական հարաբերությունների խորացման նկատմամբ ունեցած հանձնառության մասին. Ալեն Սիմոնյանի ելույթը

1500 վարույթ, 80%-ը՝ ֆիզիկական անձանց դեմ

Հնդկաստանի վարչապետը բացել է աշխարհի ամենաբարձր երկաթուղային կամարաձև կամուրջը