Թուրքիայում երկու ամսում ձերբակալվել է մոտ 36 հազար ապօրինի ներգաղթյալ, նրանցից 17,3 հազարը արտաքսվել է: Այդ մասին հայտնել է Թուրքիայի ներքին գործերի նախարար Ալի Եռլիքայան։
«Երկու ամսվա ընթացքում իրականացվել է 2548 գործողություն, որի ընթացքում ձերբակալվել է անօրինական միգրացիայի 1385 կազմակերպիչ, նրանցից 372-ը ձերբակալվել է։ Ընդհանուր առմամբ ձերբակալվել է 35 867 ապօրինի ներգաղթյալ, որոնցից 17 258-ն արտաքսվել են երկրից»,- նշել է պաշտոնյան։
Թուրքիայի ՆԳՆ ղեկավարն ավելի վաղ խոստացել էր մի քանի ամսվա ընթացքում վերջ տալ երկրում անօրինական միգրացիայի խնդրին։ Նրա խոսքով՝ Թուրքիայում կա մոտ 4,9 մլն փախստական, որոնցից 3 մլն-ը Սիրիայի քաղաքացի է: