Ընտրությունների նախնական պատկերը Անիում

Անի խոշորացված համայնքում այսօր ավագանու ընտրություններ է ընթացել: Իսահակյան բնակավայրի 33/13 ընտրական տեղամասի հանձնաժողովի քարտուղարի խոսքով` ընտրությունը պասիվ է ընթանում, 700 ընտրողից ժամը 13:10-ի դրությամբ ընտրություն են կատարել 114-ը: Ընտրողների զգալի մասն էլ ընտրության կարգին լավ չի տիրապետում. նշում է հանձնաժողովի քարտուղար Գոհար Բոտոյանը: Գուսանայում էլ, ընտրողների վստահեցմամբ, ընտրությունները ոչ միայն խաղաղ, այլև արդար են ընթանում: 33/10 ընտրական տեղամասի հանձնաժողովի նախագահ Նարինե Սարգսյանի խոսքով` այստեղ խախտումներ չեն արձանագրվել, բայց եւ նկատում է` ընտրողներն են պասիվ: Մարալիկում` թիվ 33/3 ընտրական տեղամասում, 1710 ընտրողներից ժամը 14:25-ի դրությամբ ընտրություն են կատարել 500-ից ավելին: Հանձնաժողովի նախագահ Գեւորգ Հարությունյանի խոսքով` երկու անգամ կուտակումներ են նկատվել տեղամասում, ոստիկանների միջամտությամբ իրավիճակը հարթվել է: Ի տարբերություն Մարալիկի` Ձորակապի 33/4 ընտրական տեղամասում ընտրական օրը պասիվ է, 866 ընտրողից իրենց քաղաքացիական պարտքն են կատարել 276-ը: Հանձնաժողովի նախագահի խոսքով` ընտրություն կատարողների շարքերում միայն ավագ սերնդի ներկայացուցիչներ չեն: Նշենք, որ Անի խոշորացված համայնքում ընտրական տեղամասերը 20-ն են, ընտրողների թիվը, ինչպես տարածքային ընտրական հանձնաժողովն է հայտնում, 15.889 է:

 

 

 

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում